Bakı, 2 aprel

Aprel döyüşlərinin 6-cı ildönümü münasibətilə Bilgya kəndindəki müharibə və əmək əlilləri üçün pansionatda Bakı Dövlət Sirkinin truppası konsert proqramı ilə çıxış edib.

Məlumata görə, milli truppanın çıxışlarını Bakı Dövlət Sirkinin orkestri müşayiət edib. Orkestrin repertuarında Azərbaycan və xarici musiqi nümunələrinin sintezinə üstünlük verilir.

1 saat 20 dəqiqə davam edən konsert proqramında Bakı Dövlət Sirkinin yaradıcı heyətindən 47 nəfər iştirak edib.

Sirk sənətinin müxtəlif janrlarından maraqlı tamaşalar nümayiş etdirilib. Sonra sirk orkestri sazla ifa olunan Azərbaycan “Cəngi”sinin sintezini ifa edib.

Qeyd edək ki, Bakı Dövlət Sirki mütəmadi olaraq səyyar arenada əhalinin həssas təbəqələri üçün konsert proqramları ilə çıxış edir.

bbabo.Net