Azərbaycan (bbabo.net), - Bakı, 11 fevral

Kiçik və Orta Biznesin İnkişafı Agentliyi (KOBİA) və Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin birgə dəstəyi ilə “Qəhvə evləri” layihəsinə start verilib.

KOBİA-dan verilən məlumata görə, məqsədi özünüməşğulluq proqramına dəstək olmaq olan layihə çərçivəsində ümumilikdə Bakı şəhəri və Abşeron rayonu üzrə 20 nəfər işsiz, yaşı 35-dən aşağı olan, barista işləmək istəyən, kofe satışının təşkili üçün lazımi aktivlər təqdim olunacaq. Uyğun namizədlər ilk olaraq biznes və peşəkar təlimlərə cəlb olunacaqlar. Təlimləri uğurla başa vuran şəxslər özünüməşğulluq proqramı çərçivəsində avadanlıqla təmin olunacaqlar. Sonra iştirakçılara sahibkarlıq fəaliyyətinin inkişafı üçün mentorluq dəstəyi göstəriləcək.

Qeyd edək ki, aktivlərlə təmin olunan şəxslər Bakı və Abşeron ərazisində fəaliyyət göstərməlidirlər. Layihədə iştirak etmək üçün aşağıdakı linkdən istifadə etməyiniz xahiş olunur: https://forms.gle/6KZ8wAwjBuNHddR6A.

bbabo.Net