Azərbaycan (bbabo.net), - Bakı, 2 fevral
Made in Azerbaijan brendinin məhsulları Azexport.az internet portalı vasitəsilə Amazon və eBay platformalarında beynəlxalq alıcılara təqdim olunur.
Məlumata görə, bunu Azexport.az portalının rəhbəri Ayxan Gedeşov fevralın 2-də “Made in Azerbaijan” məhsullarının Amazon və eBay portalları vasitəsilə satışının başlanmasına həsr olunmuş mətbuat konfransında deyib.
O qeyd edib ki, ilkin mərhələdə mədəniyyət sənayesinin yerli istehsalı olan rəssamlıq, musiqi, ədəbiyyat və sənətkarlıq məhsulları, eləcə də qeyri-ərzaq və ərzaq məhsulları kateqoriyasından seçilmiş məhsullar portallara inteqrasiya olunur. Azexport.az indi “Made in Azerbaijan” brend məhsullarını Amazon və eBay platformalarında vahid ad altında beynəlxalq alıcılara təqdim edəcək. Bu, platformalarda satış proseslərinə ciddi nəzarət və yüksək keyfiyyət tələblərinin olması ilə bağlıdır. Əvvəllər Azexport.az bu platformalarda hər bir istehsalçı üçün fərdi satıcı hesabının yaradılması xidmətini təqdim edirdi.
Satışların əsasən İsrail, Yaponiya, Çin, Tayvan, Koreya, Honq-Konq, Sinqapur, ABŞ, Böyük Britaniya, MDB ölkələri və Avropada həyata keçirilməsi nəzərdə tutulur.
Layihə çərçivəsində dövlət qurumlarının dəstəyi ilə kiçik və orta sahibkarlıq subyektlərinin istehsal etdiyi məhsullar da bu portallara inteqrasiya oluna bilər. Əməkdaşlıqda maraqlı olan sahibkarlar portala müraciət edə bilərlər: https://azexport.az/
Əlavə edək ki, Prezident İlham Əliyevin tapşırığına əsasən İqtisadi İslahatların Təhlili və Kommunikasiya Mərkəzi tərəfindən yaradılan Azexport.az portalı 15-ə yaxın beynəlxalq elektron ticarət platformasına inteqrasiya olunub. 2016-cı ildən fəaliyyət göstərdiyi dövr ərzində Azexport.az internet portalına dünyanın 145 ölkəsindən daxil olan ixrac sifarişlərinin dəyəri 2 milyard 720 milyon ABŞ dolları təşkil edib.
bbabo.Net