Azərbaycan (bbabo.net), - BAKI - Fevralın 15-də Azərbaycan İqtisadiyyat Nazirliyi yanında Əmlak Məsələləri Dövlət Xidməti tərəfindən dövlət əmlakının özəlləşdirilməsi üzrə növbəti hərrac keçirilib, bbabo.net İqtisadiyyat Nazirliyinə istinadən xəbər verir.

Qurumdan verilən məlumata görə, hərrac nəticəsində kiçik müəssisə və bir obyekt, həmçinin 12 avtomobil özəlləşdirilib. Əvvəlki hərraclarda olduğu kimi, bu dəfə də nəqliyyat vasitələrinin özəlləşdirilməsinə maraq böyük olub və hərrac rəqabətli şəraitdə keçirilib.

Avtomobillərdən biri üçün təklif start qiymətini altı dəfə üstələyib. Başlanğıc qiyməti 2500 manat olan “Ural” markalı avtomobil 15100 manata alınıb.

Həmçinin ilkin start qiyməti 7000 manat olmaqla 10600 manata Hyundai Sonata markalı avtomobil alınıb.

Özəlləşdirilən obyekt və kiçik dövlət müəssisəsi Beyləqan və Şəmkir rayonlarında yerləşir.

Bu gün keçirilən hərracın nəticələrinə görə, dövlət büdcəsinə 100 855 manat vəsait daxil olacağı gözlənilir.

Xatırladaq ki, növbəti hərrac fevralın 22-də keçiriləcək və ona 54 dövlət əmlakı obyekti çıxarılacaq.

bbabo.Net