Azərbaycan (bbabo.net), - Bakı, 17 fevral,

Fevralın 17-də Bakıda hind çayının idxalı ilə bağlı hibrid formatda tədbir keçirilib.

Tədbirdə Hindistanın Azərbaycandakı səfiri Bavitlung Vanlalvavna və hər iki ölkədən sahibkarların iştirak etdiyi bildirilir.

Tədbirin açılışında Hindistanın Çay Şurası tərəfindən Hindistanın çayçılıqla məşğul olan dövlətləri haqqında hazırlanmış videoçarx təqdim olunub.

Səfir Bawitlung Vanlalvavna daha sonra çıxışında bildirib ki, tədbir Hindistanın çayçılıq dövlətlərini təmsil etmək və təşviq etmək məqsədilə təşkil olunub. O qeyd edib ki, 2021-ci ildə Azərbaycan ilə Hindistan arasında ticarət dövriyyəsinin həcmi 27 faiz artıb. Bawitlung Vanlalvavna Hindistanın dünyaya ixrac etdiyi çayın hazırkı dəyərinin 800 milyon dollar olduğunu da vurğulayıb. Azərbaycan bazarında hind çayının payının 5 faiz təşkil etdiyini deyən səfir bunun çayın əsasən Şri-Lanka, Rusiya və digər ölkələrdən idxal olunması ilə əlaqədar olduğu diqqətə çatdırılıb.

Daha sonra çıxış edən Hindistan Çay Şurasının sədri K.N. Raqavan Hindistanın 15 ştatında yetişdirilən çayın ölkəmizdə tanıdılması və hind çayının Azərbaycan bazarına ixracının artırılması sahəsində görülən işlər barədə məlumat verib.

Tədbir zamanı azərbaycanlı və hindistanlı sahibkarlar arasında tanışlıq və ikitərəfli əlaqələrin qurulması məqsədilə danışıqlar aparılıb.

bbabo.Net