Gürcüstan milli maraqlarını rəhbər tutaraq, Ukraynadakı vəziyyətə görə Avropa ölkələrinin Rusiyaya qarşı tətbiq etdiyi iqtisadi sanksiyalarda iştirak etməyəcək. “Report” TASS-a istinadən xəbər verir ki, bu barədə Gürcüstanın baş naziri İrakli Qaribaşvili bildirib.
“Ukraynada hərbi əməliyyatlar başlayandan sonra beynəlxalq tərəfdaşlarımızın hərəkətləri ilə tanış olduq. Mən iqtisadi və maliyyə sanksiyalarının tətbiqini nəzərdə tuturam. Mən açıq və birmənalı şəkildə bildirmək istəyirəm ki, Gürcüstan bizim milli maraqlarımızı nəzərə alaraq maliyyə və iqtisadi sanksiyalarda iştirak etmək fikrində deyil”, - Qaribaşvili bildirib.
Fevralın 21-də Rusiya prezidenti Vladimir Putin LXR və DXR-in suverenliyini tanıyıb və fevralın 24-də Donbası qorumaq üçün hərbi xüsusi əməliyyat keçirməyə qərar verdiyini açıqlayıb.
Putinin bəyanatından sonra Ukrayna Rusiya ilə diplomatik əlaqələri kəsib. Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.
Elə həmin gün Avropa Komissiyasının rəhbəri Ursula fon der Leyen AB-nin fövqəladə sammitindən sonra keçirilən mətbuat konfransında deyib ki, Aİ-nin ikinci sanksiyalar paketi digər məsələlərlə yanaşı, Rusiyanın enerji sektoruna da yönəlib.
bbabo.Net