Azərbaycan (bbabo.net), - BAKI - Fevralın 2-də Manamada Azərbaycan və Bəhreyn Xarici İşlər Nazirlikləri arasında siyasi məsləhətləşmələrin ikinci raundu keçirilib.
Çərşənbə günü Azərbaycanın Xarici İşlər Nazirliyindən bbabo.net-ə verilən məlumata görə, siyasi məsləhətləşmələrdə Bəhreyni xarici işlər nazirinin siyasi məsələlər üzrə müavini Şeyx Abdullah bin Əhməd Əl Xəlifə, Azərbaycanı isə xarici işlər nazirinin müavini Fariz Rzayev təmsil edib.
Görüşdə iki ölkə arasında münasibətlərin hazırkı vəziyyəti, siyasi, iqtisadi, humanitar və digər sahələrdə inkişaf yolları müzakirə olunub.
Siyasi məsləhətləşmələrin iştirakçıları, həmçinin qarşılıqlı maraq doğuran regional və qlobal məsələlər ətrafında fikir mübadiləsi aparıblar.
Azərbaycan tərəfi regionda münaqişədən sonrakı vəziyyət, o cümlədən işğaldan azad edilmiş ərazilərdə aparılan bərpa, tikinti və reinteqrasiya işləri barədə məlumat verib.
bbabo.Net