Azərbaycan (bbabo.net), - Bakı, 12 fevral,
Çin Xalq Respublikası Ümumçin Xalq Nümayəndələri Məclisi Daimi Komitəsinin sədri Milli Məclisin Sədri Sahibə Qafarovaya təbrik məktubu ünvanlayıb.
Milli Məclisin İctimaiyyətlə əlaqələr və mətbuat şöbəsindən verilən məlumata görə, Çin parlamentinin sədri müraciətində Qoşulmama Hərəkatının Parlament Şəbəkəsinin ötən il noyabrın 28-də Madriddə keçirilmiş təsis qurultayı ilə bağlı fikirlərini bildirib.
Qurultayın uğurla keçirilməsini və məhsuldar nəticələrini vurğulayan Li Canşu Azərbaycan Respublikası Milli Məclisinin və onun sədri Sahibə Qafarovanın Qoşulmama Hərəkatına üzv dövlətlərin parlamentləri arasında əməkdaşlığın genişləndirilməsində göstərdiyi səyləri yüksək qiymətləndirib.
Li Zhanshu Qoşulmama Hərəkatının Parlament Şəbəkəsinin qarşıdakı fəaliyyətində Çinin Azərbaycana dəstəyini və ölkəsinin şəbəkəyə üzv dövlətlərin parlamentləri ilə sıx əməkdaşlıq qurmağa hazır olduğunu bildirib. Parlamentin sədri müraciətində bu dövlətlərin Qoşulmama Hərəkatının Parlament Şəbəkəsinin himayəsi altında çoxtərəfliliyin inkişafı və sülhün möhkəmləndirilməsi istiqamətində birgə səylərinin vacibliyini vurğulayıb.
bbabo.Net