Azərbaycan (bbabo.net), - Bakı, 11 fevral
Fevralın 11-də N saylı hərbi hissənin yaradılmasının ildönümü münasibətilə tədbir keçirilib.
Müdafiə Nazirliyinin mətbuat xidmətindən verilən məlumata görə, əvvəlcə ümummilli lider Heydər Əliyevin və Vətənin müstəqilliyi və ərazi bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edilib. Azərbaycanın dövlət himni səsləndirilib. Müdafiə nazirinin təbriki şəxsi heyətə çatdırılıb.
Tədbirdə çıxış edənlər hərbi hissənin yaranma tarixindən, keçdiyi döyüş yolundan və qarşıda duran vəzifələrdən danışıblar. Vurğulanıb ki, ulu öndər Heydər Əliyevin ordu quruculuğu siyasəti bu gün Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev tərəfindən uğurla davam etdirilir. Bildirilib ki, dövlətimizin başçısının diqqət və qayğısı sayəsində hərbi hissənin döyüş qabiliyyətinin yüksək səviyyədə saxlanılması, o cümlədən şəxsi heyətin məişət şəraiti və asudə vaxtının səmərəli təşkili üçün hər cür şərait yaradılıb.
Sonda xidmətdə fərqlənən, yüksək intizam və asayiş nümayiş etdirən hərbi qulluqçular fəxri fərmanlarla təltif olunublar.
Tədbir Həzi Aslanov adına Ordu İdeologiyası və Mədəniyyəti Mərkəzinin şəxsi heyətinin ifasında konsert proqramı ilə başa çatıb.
bbabo.Net