NATO-nun baş katibi Yens Stoltenberq Rusiya Xarici İşlər Nazirliyinin (XİN) rəhbəri Sergey Lavrova məktub göndərərək, Ukrayna ilə bağlı yeni danışıqlara çağırıb. Bu barədə TASS məlumat yayıb.
Stoltenberq Britaniyanın baş naziri Boris Consonla görüşdən sonra müvafiq məktubu ünvanlayıb. Mətndə risklərin azaldılması, hərbi şəffaflıq və silahlara nəzarətdən bəhs edilir.
“Bu gün mən nazir Lavrova Ukraynada gərginliyin azaldılması, hərbi şəffaflıq, risklərin azaldılması, silahlara nəzarət, o cümlədən Rusiya və NATO-nun nüvə siyasəti üzrə dialoq təklif edən məktub göndərdim”, - Stoltenberq vurğulayıb.
Həmçinin alyansın baş katibi “Rusiya Federasiyasının Rusiya-NATO Şurasında bir sıra görüşlər çərçivəsində dialoqu davam etdirmək” təklifini bir daha təkrarlamasına diqqət çəkib.
NATO baş katibinin Rusiya xarici işlər nazirinə müraciətinin tam mətni hələlik verilməyib.
Bundan əvvəl Stoltenberq NATO-nun öz qoşunlarını Qara dəniz regionunda yerləşdirmək planlarını açıqlamışdı.
bbabo.Net