Azərbaycan (bbabo.net), - Bakı, 9 fevral,
Görüşdə bir çox sahələrdə əlaqələrdən danışdıq, iqtisadi sahədə potensialı nəzərdən keçirdik. Kənd təsərrüfatı və telekommunikasiya sahəsində əməkdaşlıq haqqında da fikir mübadiləsi apardıq. Bundan əlavə, parlamentlərarası əlaqələrin inkişafından, dostluq qruplarının fəaliyyətindən danışılıb. Qeyd olunan məsələlərin mütəmadi olaraq müzakirəsi üçün tərəflər arasında razılıq əldə olunub.
Bunu Azərbaycanın xarici işlər naziri Ceyhun Bayramov Moldovanın xarici işlər və Avropaya inteqrasiya naziri ilə keçirdiyi birgə mətbuat konfransında deyib.
Nazir qeyd edib ki, Azərbaycan ilə Avropa İttifaqına üzv ölkələr arasında qaz təchizatı sahəsində əməkdaşlıq yeni mərhələyə qədəm qoyub. Ceyhun Bayramov iki ölkə arasında bir sıra yaxşı humanitar təşəbbüslərin olduğunu vurğulayıb. Məsələn, ADA Universitetində moldovalı tələbələrin təhsili, tələbə mübadiləsi və s.
“Biz regional təhlükəsizlik məsələsini də müzakirə etdik. 30 illik işğaldan sonra bizim əsas prioritetimiz bu torpaqlarda yenidənqurma işləri aparmaq və keçmiş məcburi köçkünlərin öz evlərinə təhlükəsiz qayıtmasını təmin etməkdir”, - deyə nazir əlavə edib.
Ceyhun Bayramov qeyd edib ki, işğaldan azad edilmiş ərazilərimizdə, enerji sektorunda həyata keçirilən avtomobil və dəmir yolu layihələri, infrastrukturun bərpası, alternativ enerji mənbələrinin yaradılması, “Ağıllı kənd”, “Ağıllı şəhər”, tikilməkdə olan hava limanları barədə həmkarına məlumat verib.
bbabo.Net