Böyük Britaniyanın baş naziri Boris Conson fevralın 1-də Kiyevə rəsmi səfərə gəlib. Ukrayna prezidentinin ofisinə gələn Conson əlində qırmızı qovluq tutaraq maşından düşüb.

Ukrayna lideri Vladimir Zelenski ilə Conson əl sıxmağa başlayanda maraqlı insident baş verib və onun videosunu Ukrayna prezidentinin mətbuat xidməti yayıb.

Görüntülərdə Zelenskinin Consonla əl sıxması əks olunub. Bu zaman naməlum qadın İngiltərə baş nazirinin yanına qaçaraq onun əlindən qovluğu götürüb. Siyasətçilər isə söhbətlərini davam etdiriblər.

Xatırladaq ki, Consonun Kiyevə budəfəki səfəri onun baş nazir vəzifəsinə gəlişindən sonra ilk səfəri olub. O, bundan əvvəl 2016-cı ildə xarici işlər naziri olarkən bu ölkəyə səfər edib.

Səfər zamanı tərəflər bir sıra iqtisadi layihələrin həyata keçirilməsinə dair razılığa gəliblər. Bundan əlavə, London Ukrayna donanmasının modernləşdirilməsinə 1,7 milyard funt sterlinq ayıracaq.

Conson həmçinin Zelenskiyə Ukraynanın işğalının Putinin məğlubiyyəti ilə nəticələnəcəyinə inandırıb.

bbabo.Net