Böyük Britaniyanın baş naziri Boris Conson və Ukrayna prezidenti Vladimir Zelenski birgə brifinq zamanı bildiriblər ki, Rusiyanın Ukraynaya istənilən “işğal”ı “böyük səhv” olacaq.

Britaniya baş nazirinin ofisi bəyanat yayıb ki, hər iki lider danışıqlar zamanı “Rusiyanın Ukraynaya növbəti işğalının” böyük strateji səhv olacağı barədə xəbərdarlıq ediblər. Sənəddə bunun ciddi humanitar nəticələr verəcəyi də vurğulanır.

Bəyanatda həmçinin qeyd olunur ki, tərəflər Ukraynanın enerji təhlükəsizliyinin gücləndirilməsi məqsədilə əməkdaşlıq haqqında razılığa gəliblər.

Boris Conson Ukraynanın dayanıqlığını artırmaq və Rusiya enerjisindən asılılığını azaltmaq səylərini dəstəkləmək üçün 88 milyon funt sterlinq ayırıb.

Qeyd edək ki, Rusiya Ukraynanı təhdid etməsi ilə bağlı ittihamları dəfələrlə rədd edib.

bbabo.Net