Azərbaycan (bbabo.net), - Dnepr, 14 fevral,
Azərbaycan çətin dövründə Ukraynanın əsl dostu olduğunu bir daha sübut etdi. Bəzi Qərb ölkələri öz diplomatlarını geri çağırsa da, Azərbaycan diplomatları ölkənin şərq bölgəsinə gəlib və böyük mədəni tədbirlər keçirirlər.
Xəbər verildiyi kimi, bu barədə Dnepr şəhərinin meri Boris Filatov Azərbaycanın Ukraynadakı fövqəladə və səlahiyyətli səfiri Elmira Axundova və Beynəlxalq Türk Mədəniyyəti Təşkilatının (TÜRKSOY) baş katibi Dyusen Kaseinovla görüşündə bildirib.
Mer deyib: “Ukraynanın çətin dövründə türk dostlarımızın Dnepr şəhərinə gələrək böyük mədəni tədbirlər keçirməsi təqdirəlayiq haldır”.
Boris Filatov xüsusilə səfir Dyusen Kaseinova və Dneprdə mədəni tədbirlərin təşkilində fəal iştirak edən Dnepropetrovsk vilayəti Azərbaycanlıları Konqresinin sədri Nəcəf Əhmədova təşəkkürünü bildirib.
“Meriya Azərbaycan diasporu ilə birgə layihələr həyata keçirir. Mən təklif edirəm ki, diasporla birlikdə martın sonunda Dnepr çayının baş meydanında Novruz bayramı ilə bağlı şənliklər keçirək”, - deyə Boris Filatov əlavə edib.
Öz növbəsində səfir Elmira Axundova Azərbaycan Prezidenti İlham Əliyevin yanvarın 14-də Ukraynaya səfərinin əhəmiyyətindən danışıb, imzalanmış sənədlərin iki ölkə arasında əməkdaşlığın inkişafında yeni səhifə açdığını vurğulayıb. Onun sözlərinə görə, SOCAR Dnepr şəhərində fəaliyyətini genişləndirir. Yeni yanacaqdoldurma məntəqəsinin istifadəyə verilməsi istiqamətində işlər aparılır.
TÜRKSOY-un baş katibi Dyusen Kaseinov Dnepr şəhərinə ilk dəfə səfər etdiyini bildirib: “Hazırda mədəniyyətlərarası əlaqələrin inkişafı böyük əhəmiyyət kəsb edir. Ukrayna üçün çətin bir dövrdə ölkədə beynəlxalq mədəni tədbirlər keçirilməlidir”.
Merin Novruz bayramını qeyd etmək təklifini yüksək qiymətləndirən Dyusen Kaseinov bu tədbirlərdə türkdilli ölkələrin yaradıcı kollektivlərinin də iştirak edəcəyini vurğulayıb.
Qeyd edək ki, görüşdə Dnepropetrovsk vilayəti Azərbaycanlıları Konqresinin sədri Nəcəf Əhmədov, Azərbaycanın xalq artisti, professor Yalçın Adıgözəlov, səfirliyin ikinci katibi Samir Allahverdiyev də iştirak ediblər.
bbabo.Net