Amerikanın Nyu-Meksiko ştatında yerləşən Albukerke şəhərində naməlum şəxs yerli sakinlərə bıçaqla hücum edərək 11 nəfəri yaralayıb. Yerli polisin mətbuat xidmətindən bildiriblər ki, hazırda həmin şəxs saxlanılıb.

“Hüquq-mühafizə orqanları yeddi mümkün cinayət səhnəsini araşdırır. Kişinin bıçaqla hücum etməsi ilə bağlı ümumilikdə 11 xəbər var. Bütün zərərçəkənlərin vəziyyəti stabildir. Məlum olub ki, şübhəli şəxs təkbaşına hərəkət edib, hazırda o, saxlanılıb və həbsdədir”, - deyə idarədən bildirilib.

KRQE News 13-ün məlumatına görə, hücumlar şəhərin müxtəlif yerlərində həyata keçirilib. Əlində böyük bıçaq olan şübhəli BMX velosipedini sürərək təsadüfi hücuma keçib.

Hazırda hücum edən şəxs saxlanılaraq nəzarətə götürülüb.

bbabo.Net