Azərbaycan (bbabo.net), - BAKI - Bu gün Azərbaycan və Gürcüstanın xarici işlər nazirləri - Ceyhun Bayramov və David Zalkaliani arasında telefon danışığı olub.
Məlumata görə, Ceyhun Bayramov ötən gün Gürcüstanda baş vermiş zəlzələ ilə bağlı vəziyyətlə maraqlanıb və lazım gələrsə, Azərbaycanın hər zaman yardım etməyə hazır olduğunu qeyd edib.
David Zalkaliani zəlzələnin ciddi fəsadlar törətmədiyini deyib və həmrəyliyinə görə azərbaycanlı həmkarına təşəkkür edib.
Nazirlər ikitərəfli münasibətlərin inkişafının aktual məsələlərini, eləcə də regional məsələləri müzakirə ediblər.
Tərəflər beynəlxalq təşkilatlar çərçivəsində əməkdaşlıq və qarşıdakı aylarda keçiriləcək tədbirlərlə bağlı fikir mübadiləsi aparıblar.
bbabo.Net