Rusiya müharibə istəmədiyi üçün təhlükəsizliklə bağlı təşəbbüslər irəli sürüb. "Report" RİA "Novosti"yə istinadən xəbər verir ki, bunu Rusiya prezidenti Vladimir Putin Almaniya kansleri Olaf Şolzla danışıqların yekunu üzrə mətbuat konfransında deyib.

“Buna görə də biz danışıqlar prosesi ilə bağlı təkliflər irəli sürdük ki, bunun nəticəsi hamı üçün, o cümlədən ölkəmiz üçün bərabər təhlükəsizliyin təmin edilməsinə dair razılaşma olmalıdır”, - deyə Putin müharibənin olub-olmayacağı ilə bağlı sualı cavablandırıb.

Ötən il dekabrın ortalarında Rusiya Xarici İşlər Nazirliyi ABŞ və NATO üçün təhlükəsizlik sazişlərini dərc edib. Onlar tərəflərin, xüsusən də Ukraynadakı vəziyyətlə bağlı narahatlığını nəzərə alıblar. Rusiyanın əsas şərtləri NATO-nun şərqə doğru getməməsi və Ukraynanın alyansa üzvlüyünü inkar etməsidir.

Putin qeyd edib ki, Rusiya Federasiyasının Şimali Atlantika Alyansı və ABŞ-a göndərdiyi təhlükəsizlik zəmanətləri ilə bağlı təkliflərində Rusiya tərəfinin “tətbiq olunmaz hesab etdiyi” “heç bir məqam yoxdur”.

ABŞ və NATO Rusiyanın təklif etdiyi layihələri imzalamaqdan imtina edərək, “güzəştə gedə bilməyəcəklərini” bildiriblər.

bbabo.Net