Azərbaycan (bbabo.net), - Vaşinqton, 28 fevral,

ABŞ Konqresinin Nümayəndələr Palatasının Demokratlar Partiyasından olan, Tennessi ştatını təmsil edən üzvü, Azərbaycan üzrə İşçi Qrupun həmsədri Stiv Koen Xocalı soyqırımının 30-cu ildönümü ilə bağlı bəyanatla çıxış edib.

Konqresmen S.Koen Xocalı soyqırımı ilə bağlı bəyanatla çıxış edərək bildirib ki, Xocalıda yüzlərlə azərbaycanlının qətlə yetirilməsinin 30-cu ildönümü qeyd olunur.

Konqres üzvü bəyan edib ki, 1992-ci il fevralın 26-da Ermənistan-Azərbaycan münaqişəsi dövründə Ermənistan silahlı qüvvələrinin apardığı etnik təmizləmə siyasəti nəticəsində 106-sı qadın olmaqla 600-dən çox silahsız insan həlak olub. 63 uşaq və 70 qoca, 100-dən çox uşaq bir, 25 uşaq - hər iki valideyn, 8 ailə tamamilə məhv edilib.

Bütün bunlara baxmayaraq, Konqres üzvü Azərbaycan və Ermənistanın əməkdaşlıq edəcəyinə, sülhün bərqərar olacağına ümid etdiyini bildirib. O, həmçinin qeyd edib ki, uzunmüddətli sülh, təhlükəsizlik və regional əməkdaşlıq bütün Cənubi Qafqaz regionunun, ümumiyyətlə, bütün dünyanın maraqlarına cavab verir.

Bəyanatda Azərbaycanın ABŞ üçün əhəmiyyətindən danışan Konqres üzvü Azərbaycanı ABŞ və müttəfiqləri üçün güclü tərəfdaş adlandırıb. Bildirilib ki, Azərbaycanda yəhudi icması sülh və əmin-amanlıq şəraitində yaşayır.

bbabo.Net