Azərbaycan (bbabo.net), - Bakı, 11 fevral

Bakı Ali Neft Məktəbinin (BANM) daha iki tələbəsinə SOCAR-ın birinci vitse-prezidenti, akademik Xoşbəxt Yusifzadə adına təqaüd verilib. Bu dəfə təqaüd Neft-qaz mühəndisliyi fakültəsinin 5-ci kurs tələbələri Zərifə Cəbrayılova və Kənan Məmmədova verilib.

BANM-in mətbuat xidmətindən verilən məlumata görə, BANM-in Elmi Şurası təhsil illəri ərzində əldə etdikləri yüksək nəticələri və universitetin ictimai fəaliyyətində göstərdikləri xüsusi fəallığı nəzərə alaraq, həmin tələbələrə təqaüdlərin verilməsi barədə qərar qəbul edib.

Qeyd edək ki, bu tələbə təqaüdü Bakı Ali Neft Məktəbi tərəfindən akademik Xoşbəxt Yusifzadənin 90 illik yubileyi ilə əlaqədar təsis edilib (SOCAR Şurasının 17 mart 2020-ci il tarixli 13 nömrəli qərarı əsasında). Təqaüd hər il BANM-in 4-cü və ya 5-ci kursunun iki nümunəvi tələbəsinə verilir.

bbabo.Net