Azərbaycan (bbabo.net), - İmişli, 11 fevral, Aydın Yavərzadə,

İmişlinin ucqar kəndində modul tipli məktəb istifadəyə verilib. Yeni məktəbdə təhsil almaq üçün hər cür şərait yaradılıb.

Bölgə müxbirinin verdiyi məlumata görə, İmişli rayonunun Axıcanlı kəndində yeni modul tipli məktəbin açılış mərasimində rayon icra hakimiyyətinin və təhsil şöbəsinin nümayəndələri, məktəbin kollektivi, kənd sakinləri iştirak ediblər. Natiqlər bildirmişlər ki, Axıcanlı kəndində ilk bina 1972-ci ildə istifadəyə verilmişdir. Dəfələrlə cari təmir işləri aparılsa da, bina lazımi tələblərə cavab verməsə də, bununla əlaqədar yeni modul tipli məktəbin tikintisinə başlanılıb. Qısa müddətdə tikinti işləri başa çatdırılaraq məktəb öz kollektivinin istifadəsinə verilib. Yeni məktəb binasında 11 sinif otağı, kitabxana, laboratoriya və s.Bina müasir istilik və işıqlandırma sistemləri ilə təchiz olunub, məktəbdə müşahidə kameraları quraşdırılıb. Diqqətə çatdırılıb ki, məktəbdə 152 şagirdin təlim-tərbiyəsi ilə 23 müəllim məşğul olur. Bildirilib ki, məktəbdə yaradılan şərait təhsilin keyfiyyətinə müsbət təsir göstərəcək.

Sonra məktəbdə yaradılan şəraitə baxış olub. Tədbir iştirakçıları məktəblilərə və təhsil ocağının müəllimlərinə gələcək fəaliyyətlərində uğurlar arzulayıblar.

bbabo.Net