Milli.Az Daily Mail-ə istinadən bildirir ki, Şimali Koreya lideri Kim Çen In həyat yoldaşı Li Sol Ju ilə ictimaiyyət qarşısına çıxıb. Siyasətçi həyat yoldaşı ilə qəməri təqviminə görə Yeni il şərəfinə konsertə gəlib.
Kim Çen Inın həyat yoldaşı sonuncu dəfə sentyabrın 9-da Şimali Koreyanın yaranmasının ildönümündə əri ilə Kim İr Senin və Kim Çen İrin cəsədlərinin dəfn olunduğu Günəş Sarayını ziyarət edərək ictimaiyyət qarşısına çıxıb.
KİV-in məlumatına görə, Pxenyanda bayram konserti keçirilib və KXDR liderinin xanımı ilə birlikdə görünməsi alqış fırtınasına səbəb olub.
Koreya Mərkəzi Xəbər Agentliyi xəbər verir ki, “Kim həyat yoldaşı Li Sol-ju ilə teatrın tamaşaçı zalında görünəndə tamaşaçılar alqışlarla qarşıladılar”.
Çıxışlardan sonra KXDR lideri həyat yoldaşı ilə birlikdə yaradıcı kollektivlərlə xatirə şəkilləri çəkdirib və gurultulu alqışlar altında tədbiri tərk edib.
“Konsert zamanı sənətçilər Şimali Koreya xalqının birliyini və bütün dünyanın həsəd aparacağı sosializm quruculuğuna sadiqliyini nümayiş etdirən mahnı və rəqslər ifa ediblər”, - deyə məlumatda bildirilir.
Əvvəllər bildirilirdi ki, Kim Çen In səfərlərdə özü ilə şəxsi tualet götürür.
bbabo.Net