Azərbaycan (bbabo.net), - Bakı, 5 mart
5 Mart - Bədən Tərbiyəsi və İdman Günü münasibətilə elan edilən “İdman həftəsi” çərçivəsində yekun tədbir keçirilir.
Heydər Əliyev Mərkəzinin qarşısındakı parkda keçirilən tədbirdə Gənclər və İdman Nazirliyinin rəhbərliyinin, Azərbaycan Milli Olimpiya Komitəsinin, ölkəmizin idman ictimaiyyətinin və federasiyalarının nümayəndələrinin iştirak etdiyi bildirilir.
Qeyd edək ki, Prezident İlham Əliyevin 4 mart 2005-ci il tarixli Sərəncamı ilə hər il martın 5-i Azərbaycanda Bədən Tərbiyəsi və İdman Günü kimi qeyd olunur. 1995-ci il martın 5-də ulu öndər Heydər Əliyev Bakı İdman Sarayında dünya və Avropa birinciliklərinin qalibləri və mükafatçıları ilə görüşdü, İdman Fondunu yaratdı. Beləliklə, ölkəmizdə bədən tərbiyəsi və idmanın inkişafının yeni strategiyasının əsası qoyuldu.
bbabo.Net