Cəmiyyət Xəbərlər

Qazaxıstanda iğtişaşlar nəticəsində 17 təhlükəsizlik işçisi həlak olub

Qazaxıstanda iğtişaşlar nəticəsində 17 təhlükəsizlik işçisi həlak olub. Bu barədə RİA Novosti respublikanın Daxili İşlər Nazirliyi yanında operativ qərargahına istinadən məlumat yayıb.

Serbiya prezidenti dünyanın 1 nömrəli lideri Novak Cokoviçin Avstraliyadakı böyük döyüşünü tərifləyib

“Artıq 17 nəfər, Almatı vilayətində bir SOBR zabiti həlak olub”, - məlumatda deyilir.

Bundan əlavə, yanvarın 10-da Nur-Sultanda Qazaxıstan Milli Təhlükəsizlik Komitəsinin polkovniki Azamat Ibrayevin meyiti tapılıb. Faktla bağlı araşdırmalara başlanılıb.

Bundan əvvəl Qazaxıstanda fövqəladə vəziyyət rejimini pozduğuna görə 1,5 mindən çox insanın məsuliyyətə cəlb edildiyi məlum olub. Həmçinin beş Qırğızıstan vətəndaşı saxlanılıb.

Yanvarın 2-də Qazaxıstanda kütləvi etiraz aksiyaları başlayıb. Bu, hökumətin qazın qiymətini 60 təngədən 120 təngəyə qaldırmaq qərarından sonra baş verib. Etirazlar sürətlə iğtişaşlara və polislə toqquşmaya çevrilib. Bu hadisələr fonunda respublikaya KTMT ölkələrindən, o cümlədən Rusiyadan sülhməramlılar göndərilib.

Qazaxıstanda iğtişaşlar nəticəsində 17 təhlükəsizlik işçisi həlak olub