Bakı, 24 yanvar

Azərbaycan Milli Karate Federasiyası və Arpaçay Karate Klubunun birgə təşkilatçılığı ilə 20 Yanvar şəhidlərinin xatirəsinə həsr olunmuş VI beynəlxalq “Arpaçay Open” turniri başa çatıb.

Xəbər verdiyimiz kimi, ənənəvi yarışlarda Azərbaycan, Rusiya və Ukraynadan 6-7, 8-9, 10-11, 12-13, 14-15, 16-18 və 21 yaşa qədər karateçilər iştirak ediblər. Ümumilikdə turnirdə 31 klubu 570 idmançı təmsil edib.

Nəticədə 17 qızıl, 16 gümüş və 20 bürünc medal qazanan Arpaçay komandası medal sıralamasında birinci yeri tutub. İdmançıları finalda ən çox iştirak edən və medal sıralamasında ikinci yeri tutsa da, 14 qızıl, 20 gümüş və 35 bürünc medal qazanan “Qaraqaplan” klubu mükafatların sayına görə ikinci yerə layiq görülüb. Dağıstan idmançıları 5 qızıl, 4 gümüş və 4 bürünc medalla üçüncü yeri tutublar.

Turnirin keçirilməsində məqsəd şəhidlərimizin xatirəsini əbədiləşdirmək, yeniyetmələr arasında vətənpərvərlik hisslərini gücləndirmək, onları sağlam həyat tərzinə tanıtmaq, asudə vaxtlarını səmərəli təşkil etmək, idmana marağı artırmaqdır.

bbabo.Net