Bakı, 26 yanvar
Futzal üzrə Azərbaycan yığmasının Avropa çempionatının qrup mərhələsində sonuncu - üçüncü oyunu azarkeşlərin iştirakı ilə keçiriləcək.
Azərbaycan Futzal Federasiyasından verilən məlumata görə, buna səbəb koronavirusla əlaqədar Niderland hökumətinin tətbiq etdiyi karantin rejiminin yumşaldılması olub.
Hökumət müəyyən sayda tamaşaçıya oyunu izləmək imkanı verib. Bunu nəzərə alaraq, UEFA bu gündən bilet satışını bərpa edəcək. Əvvəlcədən bilet alanlara üstünlük veriləcək. Oturacaqlar boş olarsa, yanvarın 27-dən bu yerlərə də biletlər satılacaq. Yanvarın 29-da azarkeşlərin zala daxil olmasına icazə veriləcək. Azərbaycan millisi həmin gün Bosniya və Herseqovina millisi ilə qarşılaşacaq.
bbabo.Net