Bakı, 2 fevral

2022-ci il Azərbaycan Qran Prisində iştirak etmək istəyən könüllülərin qeydiyyat mərhələsi artıq başa çatıb. Uğurlu qeydiyyatdan keçmiş könüllülər üçün müsahibə mərhələsi yanvarın 31-də başladı.

Məlumata görə, Formula 1 yarışının Bakı mərhələsinə və ümumilikdə könüllülük fəaliyyətinə maraqla əlaqədar yanvarın 14-dən başlayan qeydiyyat prosesi yanvarın 18-də başa çatıb. Qeyd edək ki, dörd gün ərzində 8 mindən çox müraciət daxil olub.

Müsahibə mərhələsində namizədlərin motivasiyası, dil bilikləri, əvvəlki könüllülük təcrübəsi, yarışın təşkilində iştirakın əsas məqsədi, tədbirə töhfəsi və digər müvafiq şəxsi keyfiyyətlərə xüsusi diqqət yetirilir.

Müsahibə mərhələsindən uğurla keçən könüllülər “Ümumi Təlim” adlı mərhələyə dəvət olunacaqlar.

Bundan əlavə, BCC Akademiyası könüllülərin şəxsi və peşəkar inkişafı üçün müxtəlif təlimlər, seminarlar və danışıq klubları təşkil edəcəkdir.

bbabo.Net