Bakı, 13 fevral

Paytaxtda batut gimnastikası üzrə Dünya Kuboku yarışları davam edir. Milli Gimnastika Arenasında keçirilən yarışlarda 14 ölkədən 63 idmançı iştirak edir.

Xəbər verdiyimiz kimi, fevralın 13-də, turnirin ikinci günündə kişilər arasında ikinci təsnifat mərhələsi, final (kişilər və qadınlar) isə baş tutacaq. Turnir Beynəlxalq Gimnastika Federasiyasının yeni qaydalarına əsasən təşkil olunub.

Azərbaycan təmsilçisi Selcan Maxsudova seçmə mərhələdə uğurla çıxış edərək finala vəsiqəni təmin edib.

Xatırladaq ki, Azərbaycanda batut gimnastikası 2013-cü ilin sonundan inkişaf etməyə başlayıb. Bu idman növü üzrə Dünya Kuboku Bakıda beşinci dəfədir keçirilir.

Kubok yarışlarında ən çox xal toplayan gimnast ənənəvi AGF Trophy ilə təltif olunacaq.

İdmansevərlər yarışı “İdman” telekanalı vasitəsilə canlı izləyə bilərlər.

bbabo.Net