Навіны

Лукашэнка: Расейскія войскі пакінуць Беларусь пасля вучэнняў

Пра прычыны правядзення сумесных манеўраў "Саюзная рашучасць-2022" і тэрміны вяртання расійскіх войскаў да месцаў пастаяннай дыслакацыі ішла размова на сустрэчы 14 лютага Аляксандра Лукашэнкі з палітычным дзеячам Украіны Аляксандрам Марозам, інфармуе прэс-служба прэзідэнта РБ.

NYT: Байдэну ўсё цяжэй пераконваць Еўропу падтрымліваць Украіну

Тлумачачы мэту і задачу вучэнняў, беларускі кіраўнік даў зразумець, што, па-першае, яны загадзя планаваліся "для таго, каб вызначыцца, дзе трымаць невялікую колькасць войскаў у сувязі з тым, што адбываецца ва Украіне, адтуль ідзе паток зброі, фарміраванне лагераў, прыток дыверсантаў".

Таму, растлумачыў вярхоўны галоўнакамандуючы, у Беларусі і вырашылі ўзмацніць паўднёвую мяжу рэспублікі. У той жа час, удакладніў ён, неабходна захаваць добрыя адносіны з жыхарамі памежжа, якія па спрошчаным рэжыме перасякалі беларускую мяжу ў сезон збору грыбоў і ягад. "Мною было прынята рашэнне: мы правядзём вучэнні і ў выніку вызначымся, на якіх напрамках нам трэба трымаць нейкія ўзброеныя сілы", - расказаў кіраўнік дзяржавы.

Пазней, паводле яго слоў, калі адбылася сустрэча з прэзідэнтам Уладзімірам Пуціным, лідэры дамовіліся і аб правядзенні сумеснага вучэння. "Усё-такі СПА агульнае, Расія дала нам зброю, C-400, "Іскандэры" і іншую сучасную тэхніку, каб мы маглі яе вывучаць", - удакладніў Лукашэнка, з абурэннем абвергшы абвінавачанні, што манеўры, нібыта, накіраваныя супраць Украіны.

Ён звярнуў увагу ў сувязі з гэтым на прыгатаванні амерыканцаў, якія тысячамі накіроўваюць салдат у Польшчу, Прыбалтыку. "Брытанцы і іншыя еўрапейскія краіны перакідваюць узброеныя сілы. Устае слушнае пытанне: а вы калі іх выведзіце адсюль? Яны пра гэта не гавораць, а ціснуць на нас. Выведзем тады, калі вырашым з прэзідэнтам Расіі гэта зрабіць, і калі скончацца вучэнні. Гэта мы будзем прымаць рашэнне: гэта наша тэрыторыя", - слушна адказаў беларускі лідэр.

Жадаеце ведаць больш аб Саюзнай дзяржаве? Падпісвайцеся на нашы навіны ў сацыяльных сетках.

Лукашэнка: Расейскія войскі пакінуць Беларусь пасля вучэнняў