Навіны

Вялікабрытанія сёння аб'явіць аб новых санкцыях супраць Расіі

Міністр замежных спраў Вялікабрытаніі Ліз Трас паведаміла, што Лондан сёння, 22 лютага, аб'явіць аб санкцыях супраць Расіі ў сувязі з прызнаннем ДНР і ЛНР. Краіна будзе каардынаваць свой адказ з дзеяннямі саюзнікаў.

Кітайская каманда касмічнага тэлескопа спадзяецца далучыцца да гонкі па пошуку падобных на Зямлю планет

"Заўтра мы аб'явім аб новых санкцыях супраць Расіі ў адказ на парушэнне міжнароднага права і атаку на суверэнітэт і тэрытарыяльную цэласнасць Украіны", – напісала спадарыня Трас у Twitter.

Санкцыі супраць Расіі таксама плануюць увесці ЗША і Еўразвяз. Белы дом паведамляў, што гэта будуць асобныя санкцыі ад пакета, які будзе ўведзены ў выпадку ўварвання ва Украіну. Брусель мае намер увесці абмежаванні супраць датычных да прызнання ДНР і ЛНР.

Прэзідэнт Уладзімір Пуцін напярэдадні, 21 лютага, падтрымаў рашэнне прызнаць ДНР і ЛНР як суверэнныя дзяржавы. Ён даручыў Мінабароны забяспечыць падтрыманне міру расейскімі ўзброенымі сіламі. МЗС РФ павінен усталяваць дыпламатычныя адносіны з ДНР і ЛНР.

Аб развіцці сітуацыі - у анлайн-трансляцыі.

Вялікабрытанія сёння аб'явіць аб новых санкцыях супраць Расіі