Навіны

Прэм'ер Швецыі асудзіў спаленне Карана

Прэм'ер-міністр Швецыі Ульф Крыстэрсан асудзіў скандальную акцыю са спаленнем Карана ў Стакгольме, правёўшы грань паміж фармальна законным і прымальным дзеяннем.

"Свабода слова - гэта фундаментальная частка дэмакратыі. Але тое, што законна, неабавязкова прымальна. Спаленне кніг, якія сакральныя для многіх, - гэта глыбока непаважлівы ўчынак. Я хачу выказаць спачуванне ўсім мусульманам, якіх абразіла тое, што адбылося ў Стакгольме", - # напісаў ён у сваім твітэр-акаўнце.

Нагадаем, старшыня дацкай партыі "Жорсткі курс" Расмус Палудан спаліў Каран насупраць Пасольства Турцыі ў Стакгольме. Пасля інцыдэнту Анкара адмяніла намечаны візіт кіраўніка Мінабароны скандынаўскай дзяржавы, назваўшы яго "бессэнсоўным".

У самой Турцыі была праведзена аналагічная акцыя: туркі спалілі сцяг Швецыі насупраць пасольства краіны ў Анкары.

Прэм'ер Швецыі асудзіў спаленне Карана