Bakı, 9 fevral
Türkiyənin mədəniyyət və turizm naziri Mehmet Nuri Ersoy İstanbulda Şərqi Aralıq dənizi EMİTT 2022 beynəlxalq səyahət və turizm sərgisi çərçivəsində Azərbaycanın milli stendinə baxıb. Türkiyəli nazir stendə baxarkən Dövlət Turizm Agentliyinin və Azərbaycan Turizm Bürosunun nümayəndələri ilə görüşüb.
Dövlət Turizm Agentliyindən verilən məlumata görə, stendlə tanışlıq zamanı Mehmet Nuri Ersoy Azərbaycan ilə Türkiyə arasında turizm əlaqələrinin hazırkı inkişafını yüksək qiymətləndirib və əməkdaşlığın daha da genişləndirilməsində maraqlı olduğunu bildirib.
Qeyd edək ki, fevralın 9-da İstanbulda açılmış Şərqi Aralıq dənizi EMİTT 2022 beynəlxalq səyahət və turizm sərgisində Azərbaycanı Dövlət Turizm Agentliyinin və Azərbaycan Turizm Bürosunun əməkdaşları təmsil edir.
bbabo.Net