Azərbaycan (bbabo.net), - Bakı, 2 fevral

Fevralın 2-də Manamada Azərbaycan Respublikası və Bəhreyn Krallığı Xarici İşlər Nazirlikləri arasında məsləhətləşmələrin ikinci raundu baş tutub.

Xarici İşlər Nazirliyinin mətbuat xidmətindən verilən məlumata görə, məsləhətləşmələrdə Bəhreyn tərəfini xarici işlər nazirinin siyasi məsələlər üzrə müavini Şeyx Abdullah bin Əhməd Əl Xəlifə, Azərbaycan tərəfini isə xarici işlər nazirinin müavini Fariz Rzayev təmsil edib.

Görüşdə iki ölkə arasında münasibətlərin hazırkı vəziyyəti, o cümlədən siyasi, iqtisadi, humanitar və digər sahələrdə ikitərəfli əlaqələrin inkişaf etdirilməsi yolları müzakirə olunub. Tərəflər, həmçinin qarşılıqlı maraq doğuran regional və qlobal məsələlər ətrafında fikir mübadiləsi aparıblar.

Azərbaycan tərəfi münaqişədən sonrakı dövrdə regiondakı vəziyyət, o cümlədən işğaldan azad edilmiş ərazilərdə aparılan yenidənqurma, tikinti və reinteqrasiya işləri barədə məlumat verib.

bbabo.Net